Buscador de agasallos

Busca por prezo, idade e tipo de proposta

Pechar

0 €
+200 €


0 anos
+18 anos


Produto

Inicio » Catálogo » Follas novas
Difundir o artigo en Cabozo

Follas novas


Follas novas de Rosalía de Castro
Autor
Rosalía de Castro
Categoría/s:
Ano
2016
Referencia
978-84-9121-009-2
ISBN
978-84-9121-009-2
Idade
De 16 a +18 anos
PVP rec.
20,00 €
Valoración
0 puntos

Edición crítica de Anxo Angueira

Despois de Cantares gallegos (1863) e o remuíño que esta obra supuxo, Rosalía de Castro dá un paso decisivo no proceso de emerxencia do campo literario galego con Follas novas (1880). O seu lirismo intrasubxectivo e radical, lonxe do romanticismo convencional, a nova flexión realizada da alegoría nacional de Galicia e a renovada concepción estética e autónoma do feito literario acaban por selar o vigor da literatura en galego e testemuñan a apertura de horizontes do proxecto que Rosalía de Castro lideraba. Todo fai que Follas novas sexa considerada unha das grandes referencias da poesía galega de todos os tempos.

Anxo Angueira, profesor da Universidade de Vigo, escritor e ensaísta, ademais dos seus estudos sobre Méndez Ferrín (A espiral no espello. Bretaña, Esmeraldina e o sistema literario galego), vén centrando as súas investigacións no Rexurdimento (Rosalía de Castro, Curros Enríquez e Fernández Morales) e nas súas orixes (o Padre Sarmiento). Esta edición crítica de Follas novas ofrece, ademais dun longo estudo introdutorio, un detallado repertorio de notas sobre os textos e pormenorizados comentarios de cada un dos poemas.

Imaxe de cuberta: retrato de Modesto Brocos, Fundación Rosalía de Castro.

Características:

  • Papel
  • 14,50 x 22,00 cm
  • Rústica cosido a fío
  • 496 Páxinas
Tamén dispoñible en ePub.



Onde conseguir esta proposta

Á venda en librarías. Máis información aquí.