Rinoceronte Editora. Unha proposta de Agasallo.eu

avenida de vigo, 103, galerías. 36940 Cangas
T. +34 986168028/029
Email
Web

RINOCERONTE EDITORA é a primeira editorial especializada na publicación de obras traducidas ao galego. Naceu en Cangas do Morrazo no ano 2005 coa intención de importar para a nosa lingua literatura estranxeira, fundamentalmente recente, e en especial de ámbitos culturais e lingüísticos inéditos en galego.

A mellor literatura do mundo
Na nosa selección de títulos tratamos de cubrir dúas vertentes: apostar por autores de calidade, aínda descoñecidos no noso contexto literario e cultural; e ofrecer obras de autores recoñecidos, recentes ou inéditas en galego. Buscamos amosar un panorama amplo da literatura que se publica en diferentes puntos do planeta, dentro das nosas posibilidades, filias e fobias. No noso catálogo atoparás as primeiras traducións literarias publicadas en galego dende o húngaro, o xaponés ou o árabe.

Outro xeito de facer as cousas
En Rinoceronte dedicamos especial coidado ós nosos libros. Escollemos demoradamente os nosos libros, os nosos tradutores, e queremos que os lectores dispoñan de toda información relativa ós libros que teñen nas mans: título, orixinal da obra, data e lugar da primeira edición, quen o traduciu, quen o revisou, quen ilustrou a capa, quen o maquetou, quen o imprimiu, quen o encadernou, que papel se empregou e con que tipografía se compuxo.