Buscador de agasallos

Busca por prezo, idade e tipo de proposta

Pechar

0 €
+200 €


0 anos
+18 anos


Produto

Inicio » Catálogo » Pippi Mediaslongas embarca
Difundir o artigo en Cabozo

Pippi Mediaslongas embarca


Autor
Astrid Lindgren
Empresa
Categoría/s:
Ano
2018
Referencia
978-84-8464-423-1
ISBN
978-84-8464-423-1
Idade
De 6 a +18 anos
PVP rec.
15,00 €
Valoración
0 puntos

Pippi Mediaslongas ten a capacidade de converter nunha aventura abraiante calquera cousa que faga, dende ir de compras ata facer unha excursión. Canda os seus inseparables Tommy e Annika, o cabalo e o señor Nilsson, Pippi xoga a ser coma Robinson Crussoe indo ata a illa dun pequeno lago, onde mesmo lanza unha mensaxe de rescate nunha botella. Porque así é esta nena especial e única: explora os límites da audacia e da imaxinación, cuestiona a lóxica establecida, fai da espontaneidade e do humor a súa bandeira.

Coa visita do seu pai, Efraim Mediaslongas, Pippi ten a intención de viaxar con el ata a illa de Korakora, onde o capitán é o rei. A posibilidade de que Vilapenela deixe de ser o seu fogar, un lugar pleno de liberdade e diversión, enche de tristura os seus amigos.

“Pippi Mediaslongas embarca” é a continuación dun primeiro volume que recibiu o Premio Gala do Libro 2018 de Tradución ao galego. A recuperación deste clásico, que conta igualmente coas ilustracións orixinais e restauradas de Ingrid Vang Nyman, permite seguir gozando das extravagancias deste figura icónica da literatura contemporánea: rebelde, transgresora e desclasada, independente, simpática e extrovertida, Pippi rompe estereotipos e actúa de forma contestataria fronte aos maiores. Moitos adultos -ben no ámbito da literatura, ben da educación- escandalizáronse polos xestos e comentarios do personaxe e tildárono de mal exemplo para a infancia. Sen embargo, o éxito da obra literaria foi imparable, dando lugar a unha serie na televisión sueca e varias películas.

Tradución de David A. Álvarez Martínez.




Onde conseguir esta proposta

Á venda en librarías e na tenda en liña da editorial.